Blog Details

致：基督教香港信義會祥華幼稚園 梁惠君校長：

你好！

本人係貴校畢業生何頌昇嘅家長。而家小兒已經順利升讀小一，正式展開小學生活。回望佢喺 貴校幼稚園嘅幾年時光，滿心感激，特此寫信向校長同各位老師表達衷心謝意。

記得小朋友初入讀K1嘅時候係最辛苦嘅階段，適應能力比較差，成日喊、又鍾意扭計、發脾氣，仲好偏食，好多事都唔識做。多得趙思琪老師超有愛心同耐性，從零開始一步步引導佢。老師細心教佢好好食啊，糾正佢偏食嘅習慣，又教佢自己去洗手間，亦都教識佢唔好隨便發脾氣，要遵守班入面嘅規矩，慢慢訓練好佢嘅自理能力。

去到K2嘅時候，有幸遇到文英老師，但係頌昇嘅啟蒙老師。文英老師用心教佢畫畫、寫字，亦帶領佢講故事、做運動、唱歌，全面啟發佢嘅潛能，打好佢嘅學習基礎。當時小一面試嘅時候佢喺幼稚園學到嘅各樣能力，幫到佢非常多，令佢面試可以有好嘅表現。

到咗K3，黃主任是他的班主任，重點教佢學會獨立，亦教識佢點樣表達自己。而家佢放學返到屋企會主動分享學校嘅環境同發生嘅事，仲會自己主動做project，亦會主動執筆，自行構思畫出學校學過嘅內容。與此同時黃主任亦預先教導好多小一嘅生活模式，幫佢做好充足嘅升小準備。

除咗班內老師嘅教導，英文老師亦都用心教學，令頌昇嘅英文程度不斷進步，更加順利考到劍橋英語。貴校無論中文同英文課程都安排得十分出色：中文方面教導小朋友講故事，英文就教拼音，各方面嘅訓練都做得好好。正正得益於學校全面嘅培育，我個仔先可以成功考入心儀嘅小學。

正正因為三位班主任同各科老師循序漸進嘲悉心教導，令佢而家可以完全銜接小一嘅校園生活，適應得十分順利。可以咁快融入小學，全部都要多謝祥華幼稚園每一位老師嘅栽培。

一路以來，多得梁校長用心帶領學校團隊，營造充滿愛心、溫暖又安全哦學習環境，令小朋友可以開心、自在地成長。身為家長，見到孩子巨大嘅進步同轉變，內心無比感恩。再次多謝梁校長嘅用心經營，以及趙思琪老師、文英老師、黃主任、英文老師同全體教職員嘅無私付出、細心教導。

祝梁校長 身體健康，工作順利、萬事如意！ 貴校桃李滿門，作育英才 !

此致 敬禮

家長： Tammy Chan 日期：26-08-2026